Исландияда Фаградалсфядлл деган қийин номга эга кучли вулқоннинг отилиши давом этмоқда. Лава оқадиган ёриқлардан бирининг узунлиги 900 метрга етди.
Вулқон мамлакат пойтахти - Рейкявикдан атиги 30 километр узоқликда жойлашган. Шаҳар аҳолиси аллақачон кулдан иборат булутларни кўришмоқда. Полиция вулқон йўналишидаги асосий йўналишларни тўсиб қўйган ҳамда сайёҳлар ва маҳаллий аҳолини хавфли жойга яқинлашмасликка чақирган.
![](/static/vulqon11111.jpg)
Шунингдек, вулқон атрофида заҳарли газлар тўпланиб қолганлиги сабабли, уйларда деразаларни очмаслик ва вентилясиядан фойдаланмаслик тавсия этилмоқда.
Ушбу вулқон отилиши сўнгги йиллардаги учинчиси бўлди. Отилиш кучи жиҳатидан у барча олдингиларидан устун туради.