Farg‘onada bedarak yo‘qolgan 52 yoshli ayol bir yildan beri qidirilmoqda

Farg‘ona viloyati Dang‘ara tumanida bedarak yo‘qolgan 52 yoshli ayol bir yildan beri qidirilmoqda. Bu haqda viloyat IIB matbuot xizmati xabar berdi.

Ma’lum qilinishicha, “Tangriqul” MFY Tangriqul ko‘chasi 137-uyda yashagan, 1971-yilda tug‘ilgan Iroda Usmanova 2002-yildan beri yashash xonadonidan doimiy ravishda chiqib ketib, keyinchalik oila a’zolari tomonidan topilgan. 2022-yilning iyulida yashash xonadonidan noma’lum tomonga chiqib ketib, bedarak yo‘qolgan.

Egnida pushti rangli ko‘ylak lozim, oyog‘ida qora shippak, boshida qaymoqrang ro‘mol bo‘lgan.

Belgilari: bo‘yi 155-160 sm, bug‘doyrang, o‘rtacha gavdali, ko‘zi va qoshi qora, yuzi yumaloq, sochi qora, ruhiy sog‘lom. Qorin qismida jarrohlik operatsiyadan qolgan chandig‘i bor.

Bedarak yo‘qolgan fuqaro to‘g‘risida ma’lumotga ega bo‘lganlar 73-244-02-85, 73-244-02-76, 93-042-04-04 yoki 102 qisqa raqamiga qo‘ng‘iroq qilib ma’lumot berishi mumkin. Ayolning topilishida amaliy yordam bergan fuqarolar moddiy rag‘batlantiriladi.

Bundan avval Gulistonda bedarak yo‘qolgan 61 yoshli ayol qidirilayotgani haqida xabar berilgandi. Uni topishda ko‘maklashganlarga pul mukofoti va’da qilingan.