Sirdaryo viloyati Guliston shahrida bedarak yo‘qolgan ayol qidirilmoqda. Bu haqda viloyat IIB axborot xizmati xabar berdi.
Unga ko‘ra, Guliston shahar, 3-mavze, “Bog‘ishamol” mahallasi, Quruvchilar ko‘chasi, 6/11-uyda yashagan 1962-yilda tug‘ilgan Bashorat Xolboyeva 22-iyun kuni uyidan chiqib ketib, bedarak yo‘qolgan. Uni topilishida ko‘maklashgan fuqarolarga 10 million so‘m beriladi.
Alohida belgilari: bo‘yi 160 sm atrofida, qosh-ko‘zlari qora, sochlari kalta qora rangda, iyagida qora xoli bor, egnida pushti gulli chit ko‘ylak, oyog‘ida shippak bo‘lgan.
Ayol haqida ma‘lumotga ega bo‘lgan fuqarolardan 102 raqamiga qo‘ng‘iroq qilish so‘ralgan. Qayd etilishicha, xabar bergan shaxslarning shaxsiga oid maʼlumotlar sir saqlanishi kafolatlanadi.
Izoh (0)