Фарғона вилояти Данғара туманида бедарак йўқолган 52 ёшли аёл бир йилдан бери қидирилмоқда. Бу ҳақда вилоят ИИБ матбуот хизмати хабар берди.
Маълум қилинишича, “Тангриқул” МФЙ Тангриқул кўчаси 137-уйда яшаган, 1971 йилда туғилган Ирода Усманова 2002 йилдан бери яшаш хонадонидан доимий равишда чиқиб кетиб, кейинчалик оила аъзолари томонидан топилган. 2022 йилнинг июлида яшаш хонадонидан номаълум томонга чиқиб кетиб, бедарак йўқолган.
Эгнида пушти рангли кўйлак лозим, оёғида қора шиппак, бошида қаймоқранг рўмол бўлган.
Белгилари: бўйи 155-160 см, буғдойранг, ўртача гавдали, кўзи ва қоши қора, юзи юмалоқ, сочи қора, руҳий соғлом. Қорин қисмида жарроҳлик операциядан қолган чандиғи бор.
Бедарак йўқолган фуқаро тўғрисида маълумотга эга бўлганлар 73-244-02-85, 73-244-02-76, 93-042-04-04 ёки 102 қисқа рақамига қўнғироқ қилиб маълумот бериши мумкин. Аёлнинг топилишида амалий ёрдам берган фуқаролар моддий рағбатлантирилади.
Бундан аввал Гулистонда бедарак йўқолган 61 ёшли аёл қидирилаётгани ҳақида хабар берилганди. Уни топишда кўмаклашганларга пул мукофоти ваъда қилинган.
Изоҳ (0)