Farg‘ona viloyati Uchko‘prik tumanida bedarak yo‘qolgan qiz to‘rt kundan so‘ng topildi. Viloyat IIB holat yuzasidan munosabat bildirdi.
Unga ko‘ra, 15-iyun kuni Uchko‘prik tumani Yangiobod MFYda yashovchi fuqaro B.E 102 qisqa raqamiga murojaat qilib, voyaga yetmagan farzandi U.M 14-iyun kuni soat 09:00 larda yashash xonadonidan chiqib ketib, qaytib kelmaganlini, uni topishda amaliy yordam berishni so‘ragan. Murojaat shu kunning o‘zida tuman IIB tomonidan tegishli tartibda qayd etilgan.
Olib borilgan tezkor qidiruv tadbirlari davomida voyaga yetmagan U.M tumanning Katta Kenagas qishlog‘i hududidan 18-iyun kuni topilib, oila aʼzolariga sog‘-salomat topshirilgan.
Hozirda U.M.ning uydan chiqib ketishi sabablarini aniqlash yuzasidan tuman prokuraturasi tomonidan tergovga qadar tekshiruv harakatlari olib borilmoqda.
Izoh (0)