Yevropada xavfsizlik va hamkorlik tashkiloti (YXHT) Parlament assambleyasi “Vagner” xususiy harbiy kompaniyasini terrorchi, deb e’lon qiluvchi rezolyutsiyani qabul qildi.
“YXHT Parlament assambleyasi ‘Vagner’ guruhining Rossiya hukumati nomidan qilgan xatti-harakatlarini haqli ravishda tabiiy va maqsadli terrorchilik deb taʼriflash mumkinligini va shu sabab milliy hokimiyat organlari tomonidan ‘Vagner’ guruhini terrorchi tashkilot deb belgilashni asosli deb biladi”, — deyiladi hujjatda.
Shuningdek, YXHT Parlament assambleyasi Belarusni “Vagner”ni qo‘llab-quvvatlagani va uning hududida “Boltiqbo‘yi davlatlariga xavf tug‘diruvchi” yollanma askarlar uchun harbiy baza qurishga ruxsat bergani uchun qoraladi.
YXHT Parlament assambleyasi tashkilotga aʼzo bo‘lgan davlatlarni “Vagner” va unga aloqador tuzilmalarga terrorchi tashkilotlar ro‘yxatiga kiritilgan xususiy harbiy kompaniyaga qarshi chora ko‘rishga chaqirdi. Ma’lumot uchun tashkilotga tarkibiga 57 ta davlat kiradi, ular orasida Rossiya va Belarus ham bor.
2023-yil yanvar oyida AQSH hukumati “Vagner”ni “transmilliy jinoiy tashkilot” deb e’lon qilgan edi. Guruh asoschisi Yevgeniy Prigojin bunga munosabat bildirar ekan, “Va nihoyat, endi ‘Vagner’ va amerikaliklar — hamkasblar bo‘ldi. Bundan buyog‘iga o‘zaro munosabatlarimizni ‘jinoiy urug‘-aymoqlar o‘rtasidagi mojaro’ deb atash mumkin” degan.
Izoh (0)