AQSHda attraksion buzilib qolishi natijasida odamlar 4 soat boshlari bilan pastga osilgan holda qolib ketdi

AQSHning Viskonsin shtatidagi ko'ngilochar bog'da attraksion buzilishi natijasida odamlar deyarli to'rt soat davomida boshlari bilan pastga osilgan holda qolib ketishdi. Ularni yerga tushirish uchun ko‘tarma kran olib kelindi. Voqea natijasida hech kim jabrlanmagan.

Fireball attraksioni vertikal halqa bo'lib, uning tegrasi bo'ylab treylerlar harakatlanadi. Mexanik nosozlik tufayli attraksion to‘xtab qolgan.

Texniklar nosozlik sababini hali aniqlay olishmadi. Attraksion xavfsizlik bo‘yicha yaqinda tekshiruvdan o‘tgani ma'lum. New York Post nashriga ko‘ra, attraksionda qolib ketgan 8 kishining yetti nafari bolalardir.

Oldinroq Stokgolmdagi Grona Lund ko‘ngilochar bog‘ida rolikdagi vagonlar relsdan chiqib ketgani xabar qilingandi. Hodisa oqibatida kamida to‘qqiz kishi jarohat olgan. Ular kasalxonaga yotqizilgan. Uch nafari og‘ir, qolganlari yengil jarohatlar olgan.