“Tolibon” SHHT yig‘ilishlarida ishtirok etishni talab qildi

“Tolibon” harakati Shanxay hamkorlik tashkilotining (SHHT) navbatdagi sammitida ishtirok etish istagini bildirdi. 

Afg‘oniston Shanxay hamkorlik tashkilotida kuzatuvchi davlat hisoblanadi, biroq toliblar 4-iyunda bo‘lib o‘tgan so‘nggi sammitga taklif qilinmagan. Afg‘oniston Tashqi ishlar vazirligi bu borada bayonot berdi.

“Afg‘oniston Islom Amirligi mintaqa xavfsizligini taʼminlash va hamkorlikni rivojlantirishda muvofiqlashtirishni yaxshilash maqsadida bunday uchrashuvlarning o‘tkazilishini olqishlaydi va Afg‘onistonning bunday uchrashuvlarda (kuzatuvchi maqomiga ega) ishtirokini o‘zining ajralmas huquqi deb biladi”, — deyiladi bayonotda.

4-iyul kuni bo‘lib o‘tgan Shanxay hamkorlik tashkilotining 23-onlayn yig‘ilishida Afg‘onistonda yagona va mustaqil hukumat tuzishga chaqiruvchi rezolyutsiya qabul qilindi.

Hindiston Bosh vaziri tomonidan e’lon qilingan ushbu rezolyutsiyada Afg‘onistonda barcha siyosiy, diniy va etnik guruhlar va Shanxay tashkilotini o‘z ichiga olgan koalitsiya hukumati zarurligi ta’kidlangan.

“Shanxay hamkorlik tashkilotiga a’zo davlatlar Afg‘onistondagi vaziyatni imkon qadar tezroq tuzatish uchun mintaqada xavfsizlik va barqarorlikni saqlash va mustahkamlashning muhim omili deb hisoblaydi”, — deyilgan rezolyutsiyada.

Tashkilot a’zolari terrorizm, urush va giyohvand moddalardan xoli, mustaqil, xolis, yaxlit, demokratik va tinch Afg‘onistonni yaratish tarafdori ekanini ilgari surgan.