Afg‘oniston 2022-yilda jahondagi afyunning 80 foizini yetishtirgan. Bu haqda Birlashgan Millatlar Tashkilotining Narkotiklar va jinoyatchilikka qarshi kurash boshqarmasi (UNODC) yangi hisobotida aytiladi.
.jpg)
Ammo 2021-yil avgustidan buyon Afg‘onistonda hokimiyatni nazorat qilib kelayotgan “Tolibon” rasmiy vakili Zabihulla Mujohid mamlakatda ko‘knori yetishtirilmasligini aytdi.
“Mana ikki yildan beri ko‘knori yetishtirish taqiqlangan. Ishonchim komilki, bizda uning bir foizi ham ishlab chiqarilmagan, agar shunday bo‘lsa ham, u yo‘q qilingan. Bu 2023-yilda Afg‘onistonni ko‘knoridan butunlay tozalaganimizni anglatadi. (Dunyo bo‘ylab afyun yetishtirish haqidagi) bayonot haqiqatga to‘g‘ri kelmaydi”, — dedi u.
UNODC tomonidan e’lon qilingan alohida hisobotda aytilishicha, Afg‘onistonda 3,5 millionga yaqin odam giyohvand moddalar iste’mol qiladi, bu umumiy aholining qariyb 10 foizini tashkil etadi.
Eslatib o‘tamiz, BMT Narkotiklar va jinoyatchilikka qarshi kurash boshqarmasining noyabr oyidagi hisobotida Afg‘onistonda ko‘knori yetishtirish avvalgi yilga nisbatan 32 foizga oshib, 233 ming gektarni tashkil qilgani haqida aytilgandi.
Asosiy ekin maydonlari — 73 foizi Afg‘onistonning janubi-g‘arbiy viloyatlariga to‘g‘ri keladi — u yerda ham hosildorlikning eng katta o‘sishi kuzatilgan. BMT hisobotiga ko‘ra, Hilmand viloyatida ekin maydonlarining beshdan bir qismi ko‘knoriga ajratilgan.
Izoh (0)