Qozog‘iston prezidenti Qosim-Jo‘mart To‘qayev Semipalatinsk yadroviy xavfsizlik zonasi paydo bo‘lishi to‘g‘risidagi qonunni imzoladi. Bu haqda Tengrinews xabar berdi.
To‘qayev “Semipalatinsk yadroviy xavfsizlik zonasi to‘g‘risida”gi va “Ayrim qonun hujjatlariga Semipalatinsk yadroviy xavfsizlik zonasi, ekologiya va elektroenergetika masalalari bo‘yicha o‘zgartish va qo‘shimchalar kiritish to‘g‘risida”gi qonunlarni imzoladi.
Qonun normalariga muvofiq, sobiq Semipalatinsk yadroviy poligonida yadroviy xavfsizlik zonasini yaratish rejalashtirilgan.
Ushbu zona yadroviy va radiatsiyaviy xavfsizlikni taʼminlash, shuningdek, sobiq yadro poligoni hududini reabilitatsiya qilish maqsadida tashkil etilgan.
Kompleks ekologik ekspertiza va davlat ekologik ekspertizasi natijalariga ko‘ra, ifloslangan uchastkalarda ixtisoslashtirilgan zona tashkil etish rejalashtirilmoqda.
“Semipalatinsk yadroviy xavfsizlik zonasi to‘g‘risida”gi qonun quyidagilarni nazarda tutadi:
- sobiq Semipalatinsk poligoni va unga tutash hududlarda ortiqcha radioaktiv ifloslanishga uchragan yerlarda maxsus zona – “Semipalatinsk yadroviy xavfsizlik zonasi”ni yaratish;
- radioaktiv ifloslanish tarqalishini cheklash;
- sinov poligoni hududida radioaktiv chiqindilarni yig‘ish va yo‘q qilish orqali Semipalatinsk yadroviy xavfsizlik zonasi hududini qayta tiklash;
- Semipalatinsk yadroviy xavfsizlik zonasi hududida radioaktiv ifloslanish darajasini doimiy monitoring qilish.
Izoh (0)