Ijtimoiy tarmoqlarda Qozog‘iston Sog‘liqni saqlash vazirligi tabiblarni rasman tan olmoqchiligi haqida ma’lumot paydo bo‘ldi, deb xabar bermoqda “Daryo”ning Qozog‘istondagi muxbiri.
Qozog‘iston Sog‘liqni saqlash vazirligi tushuntirishicha, “An’anaviy tibbiyot.Tabib” professional standart loyihasi 2019—2021-yillarda Jahon banki loyihasi doirasida ishlab chiqilgan.
Loyihani ishlab chiqish mutaxassislar ishtirokida amalga oshirildi va muhokama qilinmoqda. “Kasbiy malaka to‘g‘risida”gi qonun loyihasi konsepsiyasi doirasida 50 dan ortiq mutaxassislik bo‘yicha soha uchun kasb standartlari ishlab chiqilmoqda. Ishlab chiqilgan loyihalar manfaatdor tomonlarga yuborildi va barcha darajalarda bosqichma-bosqich muhokama qilinadi. Loyiha yakuniga yetkaziladi, taklif va mulohazalar bo‘yicha o‘zgartirishlar kiritiladi, — deyiladi SSV matbuot xizmati xabarida.
Shu bilan birga, vazirlikning xabar berishicha, 2020-yil 7-iyulda qabul qilingan “Xalq salomatligi va sog‘liqni saqlash tizimi to‘g‘risida”gi kodeksda alohida “An’anaviy tibbiyot.Tabib” moddasi mavjud.
Qozog‘istonlik tibbiyot mutaxassislaridan ayrimlari vazirlikning rejasini darhol tanqid qilgan.
“Butun sivilizatsiyalashgan dunyo dalillarga asoslangan tibbiyotga o‘tgan bir paytda, Sog‘liqni saqlash vazirligimiz an’anaviy tibbiyot va tabiblik bo‘yicha professional standartni ko‘rib chiqmoqda. Ba’manilik!” — dedi “Olimp” klinik diagnostika laboratoriyalari top-menejeri Aleksey Balas.
Davolash usullarini qo‘llashda inson salomatligiga zarar yetkazgan shaxs Qozog‘iston qonunlariga muvofiq javobgarlikka tortiladi.
Izoh (0)