Qozog‘istonning Qo‘stanay viloyati ikki tumanidagi dalalarga chigirtkalar hujum qildi. Bu haqda Tengrinews xabar berdi.
Ma’lum qilinishicha, hasharotlar to‘dasi yo‘lidagi hamma narsani yo‘q qilmoqda, fermerlar davlatdan yordam kutmoqda.
“Bu yil hosil bilan bog‘liq vaziyat qiyin. Birinchi sabab 10 ming gektarga yaqin yerni oyoq osti qilgan kiyiklar, hozir esa chigirtkalardir. Bu yil 10 ming 500 gektar yerga ekin ekdik, qolganini chigirtkalar yeb ketdi.
Bu muammoda bizga hech kim yordam bermaydi, turli organlarga murojaat qildik. Kecha bitta agregat keldi, shunda ham chigirtkalarga qarshi zarur kimyoviy moddalar yo‘q, samolyotda esa yoqilg‘i yo‘q.
Kiyiklardan o‘zimizni himoya qildik, pichan o‘ra olmadik, endi chigirtkalar uni yedi. Qishda molni qanday boqishimizni bilmaymiz. Xo‘jalikda 200 boshga yaqin qoramolimiz bor, uni nima qilishimiz kerak? Bu muammo bilan qayerga murojaat qilishni bilmayman”, — deydi dehqon xo‘jaligi rahbari.
Ijtimoiy tarmoqlarda aholi dalalardan olingan kadrlarni joylashtirmoqda. Odamlar jamoatchilik noroziligi va mahalliy hokimiyatdan javob kutmoqda.
Qo‘stanay viloyat hududiy inspeksiyasiga ko‘ra, chigirtkalarning paydo bo‘lishi va tarqalishini nazorat qilish ishlari har kuni olib borilmoqda.
Ayni paytda barcha texnik vositalar mavjud bo‘lib, kimyoviy tozalash ishlari olib borilmoqda, katta maydonlarga chigirtkalar tarqalib ketish xavfini bartaraf etish choralari ko‘rilmoqda. Kimyoviy moddalar va jihozlar yetarli darajada ta’minlangani aytilgan.
Izoh (0)