Farg‘onada 3 ta mashina to‘qnashib ketdi

Farg‘ona viloyati Quva tumanida uchta mashina ishtirokida yo‘l-transport hodisasi sodir bo‘ldi. Bu haqda viloyat YHXB axborot xizmati xabar berdi.

Unga ko‘ra, hodisa Quva tumani “Qo‘shkechik” MFY hududidan o‘tgan 4K-920G avtomobil yo‘lining 4-kilometrida sodir bo‘lgan. Matiz tuman markazi yo‘nalishidan harakatlanib kelayotib, qayrilishni amalga oshirayotgan vaqtida uning ortidan harakatlanib kelayotgan Nexia kelib urilgan va harakati davom etgan Nexia qarama-qarshi bo‘lakda harakatlanib kelayotgan Lacetti bilan to‘qnashgan. 

Ushbu yo‘l-transport hodisasi natijasida tan jarohati olganlar yo‘q. Hozirda ushbu holat yuzasidan Quva tumani IIB Yo‘l harakati xavfsizligi guruhi tomonidan tergovga qadar tekshiruv harakatlari olib borilmoqda.