Фарғона вилояти Қува туманида учта машина иштирокида йўл-транспорт ҳодисаси содир бўлди. Бу ҳақда вилоят ЙҲХБ ахборот хизмати хабар берди.
Унга кўра, ҳодиса Қува тумани “Қўшкечик” МФЙ ҳудудидан ўтган 4K-920Г автомобиль йўлининг 4-километрида содир бўлган. Matiz туман маркази йўналишидан ҳаракатланиб келаётиб, қайрилишни амалга ошираётган вақтида унинг ортидан ҳаракатланиб келаётган Nexia келиб урилган ва ҳаракати давом этган Nexia қарама-қарши бўлакда ҳаракатланиб келаётган Lacetti билан тўқнашган.
Ушбу йўл-транспорт ҳодисаси натижасида тан жароҳати олганлар йўқ. Ҳозирда ушбу ҳолат юзасидан Қува тумани ИИБ Йўл ҳаракати хавфсизлиги гуруҳи томонидан терговга қадар текширув ҳаракатлари олиб борилмоқда.
Изоҳ (0)