O‘zbekistonda may oyida qancha keshbek to‘langani ma’lum bo‘ldi

O‘zbekistonda may oyida iste’molchilarga 102,4 milliard so‘m keshbek to‘lab berildi. Bu haqda Soliq qo‘mitasi axborot xizmati xabar berdi. 

Unga ko‘ra, may oyida 2,3 milliondan ortiq iste’molchilar tomonidan 134,3 milliard so‘m keshbek yig‘ilgan bo‘lib, shundan 1,8 millionga yaqin iste’molchiga 102,4 milliard so‘m keshbek to‘lab berildi. Soliq mobil ilovasi orqali berilgan jami keshbeklar 1 trln 300 mlrd so‘mdan oshdi.

1-iyun holatiga chakana savdo va xizmat ko‘rsatish sohasida marketpleyslarning maʼlumotlar bazasi soliq organlari axborot tizimi bilan integratsiya qilinib, xaridorlarga umumiy qiymati 19,9 trillion so‘mlik 544,8 million dona elektron chek taqdim etilgan.