Nobel mukofotining eng keksa sovrindori Jon Gudenaf 100 yoshida vafot etdi. Bu haqda Texas universiteti bayonotida aytiladi.
2019-yilda Jon Gudenaf litiy-ionli akkumulyatorlarni ishlab chiqish bo‘yicha amalga oshirgan ishlari uchun kimyo yo‘nalishida Nobel mukofotiga sazovor bo‘lga edi. U mukofotning eng keksa sohibiga aylandi. Mukofot topshirilgan vaqtda olim 96 yoshda edi.
Jon Gudenof mukofotni Maykl Stenli Uittingem va Akira Yosino bilan bo‘lishib olgan. Nobel qo‘mitasi ta’kidlaganidek, “ular o‘z faoliyati orqali qazib olinadigan yonilg‘idan xoli jamiyat uchun sharoit yaratgan va shu bilan insoniyatga katta foyda keltirgan”.
Avvalroq birinchi sovet termoyadro bombasini ixtiro qilgan olim Grigoriy Klinishov Moskvada o‘z joniga qasd qilgani haqida xabar berilgandi.
25-iyun kuni amerikalik milliarder Jeyms Kroun 70 yoshga to‘lgan kunida avtomobil yo‘lida to‘siqqa urilib, vafot etgan.
Izoh (0)