Telegram messenjerida iyul oyi boshidan storieslar qo‘yish funksiyasi paydo bo‘ladi, dedi ijtimoiy tarmoq asoschisi Pavel Durov. Uning so‘zlariga ko‘ra, hozir bu funksiya sinovlari so‘nggi bosqichda.
Durovning aytishicha, Telegram foydalanuvchilari o‘z storieslari kimlarga ko‘rinishini tanlay oladi. Storieslarning o‘zi esa chatlar ro‘yxatining yuqori qismida ko‘rinadi va 6, 12, 24, 48 soat davomida yoki doimiy ravishda profil sahifasida faol bo‘lib turadi.
Durov yangi funksiya qanday ishlashini ko‘rsatdi.
Avvalroq Instagram ijtimoiy tarmog‘i maslahat beruvchi va foydalanuvchilarning savollariga javob qaytaradigan sun’iy intellektga ega chat-botni ishlab chiqayotgani xabar qilingandi.
Bunda tashqari Bloomberg Instagram iyun oyida Twitter uslubidagi matn ilovasini ishga tushirishni rejalashtirayotgani haqida xabar bergandi. Yangi xizmatda xabarlar lentasi paydo bo‘lishi mumkin, matn yozish esa 500 belgi bilan cheklanadi. Shuningdek, foydalanuvchilar havola, fotosurat va videolarni ulashishlari mumkin bo‘ladi.
Izoh (0)