“Lisa.ru” nashri Nikol Kidmanning 56 yoshga to‘lishi munosabati bilan uning bolalikdagi sevimli mashg‘ulotlari, shuningdek, muhabbati va boshdan kechirgan qiyinchiliklari haqida so‘z yuritdi.
Avstraliya faxri
Nikol Kidman “Eng yaxshi aktrisa” nominatsiyasida Akademiya mukofotini qo‘lga kiritgan birinchi avstraliyalik aktrisa hisoblanadi.
Uning vatani Amerika
Nikolning ota-onasi asli avstraliyalik, lekin aktrisaning otasi olim bo‘lgani uchun oila Amerikaga ko‘chib kelgan. Nikol tug‘ilgach, uning oilasi Gavaiga ketishga majbur bo‘ldi. U to‘rt yoshga to‘lganda, ota-onasi o‘z vataniga qaytib ketdi. So‘ngra Avstraliyada aktrisaning singlisi Antoniya dunyoga keldi. Nikol Kidman Avstraliya fuqaroligiga ega.
Nikol Kidman ilk marta o‘smirlik davrida ekranlarda paydo bo‘lgan
Nikol 15 yoshida musiqiy klipda rol o ‘ynagan. U 17 yoshida “Divine Madness” musiqiy guruhining a’zosi bo‘lgan.
Aktrisa sochini qizil rangga bo‘yagan
Nikol Kidmanning sochi aslida sarg‘ish rangda edi. U sochlarini qizil rangga bo‘yashni xohladi, shunda uning teri rangi va sochlari o‘rtasida kontrast paydo bo‘lgan. Ba’zida aktrisa sochini sariq rangga o‘zgartirib turadi.
Quyosh nurlaridan saqlanadi
Nikol Kidman hech qachon quyosh nurlarida toblanmaydi, chunki u saraton kasalligidan qo‘rqadi.
“Men hech qachon quyoshda toblanmayman. Kamdan-kam hollarda quyoshda toblangan bo‘lsam ham, oyog‘imda xavfli o‘sma bor edi. Uni kesib tashlashdi, shundan keyin quyoshda toblanishni butunlay to‘xtatdim. Sog‘lig‘imdan juda xavotirdaman, chunki oilamda shifokorlar ko‘p edi”, — degan u 2007-yilda bergan intervyusida.
Aktrisaning o‘z yulduzi bor
2003-yilda Kidman Shon-sharaf xiyobonida o‘z yulduziga ega bo‘ldi.
Nikol Kidman Tom Kruz bilan turmush qurgan
Aktrisa 1990-yilda Gollivud aktyori Tom Kruz bilan turmush qurgan va 2001-yilda u bilan ajrashgan. Juftlik birgalikda uchta: “Uzoq-uzoqda”, “Momaqaldiroq kunlari” va “Ko‘zlar keng yumilgan” filmlarida rol o‘ynadi. Taxminlarga ko‘ra, so‘nggi filmda suratga olingandan keyin juftlik ajrashishga qaror qilgan.
Juftlikning bo‘yidagi katta farq
Kidmanning bo‘yi 180 santimetr, Kruz esa 166 santimetr. Avvaliga aktyorda bunday katta farq tufayli komplekslar ham bo‘lgan, ammo keyin u bu masalani psixolog yordamida hal qilgan.
Maktabda zo‘ravonlikka duch kelgan
Nikol Kidmanni maktabda baland bo‘yi va sochlari tufayli sinfdoshlari masxara qilgan. Aktrisaga “Sabzi”, “Shvabra” va “Novcha” laqabini qo‘yishgan.
Aktrisa soxta burun qo‘yishlariga rozi bo‘lgan
Nikol yozuvchi Virjiniya Vulf rolini o‘ynagan “Soatlar” filmini suratga olish chog‘ida rolga shunchalik kirishib ketganki, u o‘ng qo‘li bilan yozishni o‘rgangan (aktrisa chap qo‘l) va tub o‘zgarishlarga rozi bo‘lgan.
Masalan, grim ustalari unga bir necha qavatli makiyajni qo‘llashdi va hatto soxta burun qo‘yishdi. Aktrisa hatto tanaffus paytida paparattsilar uni tanimasliklari uchun soxta burunni yechmagan va jurnalistlarning Kruz bilan ajrashish haqidagi savoliga javob bermagan.
Yuqori IQ
Nikol o‘rta maktabni tugatmagan biroq bu uning o‘rtacha 132 balldan yuqori IQ egasi bo‘lishiga to‘sqinlik qilmagan. Bunday ko‘rsatkich fan nomzodlarida uchraydi.
Aktrisa o‘z qadrini biladi
Kidman 4 daqiqalik suratga olish jarayonlari uchun unga 4 000 000 dollar to‘lashlarini talab qilgan. Aktrisa Chanel brendining reklama roligida ishtirok etgani uchun 3,71 million daromad olgan.
Sevimli mashg‘ulotlari
Aktrisaning asosiy sevimli mashg‘uloti — yozish. U nashr qilishni istamaydigan kichkina hikoyalar ustida ishlamoqda. U yoshligida o‘z hayotini badiiy adabiyot bilan bog‘lamoqchi edi, chunki bu g‘oyani unga otasi bergan edi.
Kidman pianinoni yaxshi chaladi va buni uning ishtirokidagi “Sovuq tog‘” filmini tomosha qilish orqali tekshirishingiz mumkin. Loyihada aktrisaning o‘zi barcha musiqalarni klaviaturali asbobda ijro etgan.
U lepidopterofobiya kasalligi bilan og‘rigan
Oddiy qilib aytganda, Nikol kapalaklardan juda qo‘rqadi. Undagi bu fobiya bolaliligida paydo bo‘lgan, biroq aktrisa hali ham uni yenga olmagan.
“Maktabdan uyga qaytayotib, uy oldidagi darvozada ulkan kapalak turganiga ko‘zim tushdi. Men bu yirtqich hayvon bor darvozadan o‘tmaslik uchun panjaradan oshib tushishim yoki uyning orqa tomoniga yo‘l olishim kerak edi”, — deydi aktrisa.
Aktrisa g‘ayrioddiy fobiyadan xalos bo‘lishga bir necha bor urinib ko‘rdi va hatto jonli noyob kapalaklar bilan muzeyga kirdi. Kapalaklardan biri Kidmanga tegib ketganida, aktrisa ulardan jirkanishini his qilgan. Ammo u suvaraklar, kalamushlar va ilonlardan umuman qo‘rqmaydi.
Yaxshi niyat elchisi
Kidman 2006-yildan buyon rivojlanmagan mamlakatlarda ayollar huquqlarini himoya qilish bilan shug‘ullanuvchi UNIFEM tashkilotining Yaxshi niyat elchisi hisoblanadi.
Izoh (0)