Ko‘plab mashhurlar raqsga tushish, qo‘shiq aytish yoki aktyorlik iste’dodiga ega bo‘lishi mumkin. Ammo mashhurlar orasida o‘zining yashirin iste’dodi bilan tomoshabinlarni hayratda qoldirganlari ham bor. The Voice nashri mashhurlarning yashirin iste’dodlari haqida ma’lumot berdi.
Mark Ruffalo bir g‘ildirakli velosipedni boshqara oladi
.jpg)
Mark Ruffalo uchun oddiy ikki g‘ildirakli velosipedda yurish qiziq emas, u bir g‘ildirakli velosipedda bemalol harakatlana oladi. Tomoshabinlar aktyorning noyob mahoratini teleboshlovchi Grem Norton tufayli bilib oldi. Kechki shouning epizodlaridan birida u Ruffaloni to‘g‘ridan to‘g‘ri studiyada sirk mahoratini namoyish etishga taklif qildi. Dastlab Mark oddiy velosipedni minishga tayyorlangan, keyin esa o‘zini sirk artisti sifatida tasavvur qilgan va bir yarim metrlik bir g‘ildirakli velosipedda harakatlangan. Tomoshabinlar bu holatdan hayron qolib, Ruffaloga zarar yetmaganidan xursand bo‘lgan.
Anjelina Joli — pichoq otish
Ba’zi aktyorlar suratga olish jarayonlariga mahorat bilan tayyor holda keladi, ba’zilari esa yangi narsalarni o‘rganishadi. Anjelina Joli ikkinchi guruhga tegishli mashhurlardan biri. Aktrisa “Lara Kroft: Daxma talonchisi” filmi ustida ishlayotganda, pichoq otish bo‘yicha o‘z iste’dodini ochib berdi, u bu ishni juda yaxshi bajardi. Hattoki insayderlar Bred Pitt rafiqasi bilan birga yashaganida, undan qo‘rqishini aytgan.
Jastin Biber — kubik-rubik terish
Mashhur xonanda Jastin Biber bu jumboqni juda tez yechadi, u kubik-rubikni ikki daqiqadan kamroq vaqt ichida tera oladi. Albatta, xonanda kubik-rubik terish bo‘yicha jahon rekordi — 3,13 soniyani yangilay olmaydi, biroq bu havaskor inson uchun juda yaxshi natija.
Kira Naytli tishlari bilan kuy chala oladi
Hech qanday konservatoriyada tish orqali kuy chalish o‘rgatilmaydi. Aktrisa Kira Naytli Jimmi Fallon ko‘rsatuvida tishlari bilan xit bo‘lgan Despacito qo‘shig‘ini kuylab, tomoshabinlarni hayratda qoldirdi. 2020-yilda, pandemiya paytida Kira cholg‘u asboblarini o‘rganishga ko‘p vaqt ajratdi.
Xeyli Biber idishlarni tishi bilan ocha oladi
Ba’zi qizlar Xeylining shisha idishlarning qopqog‘ini tishi bilan ocha olishini ko‘rganida hayron bo‘lishadi. Jimmi Fellon Xeylining iste’dodi haqida bilib, undan jonli efir paytida bir nechta shisha idishni ochib berishini so‘ragan. Model uning taklifiga rozi bo‘lib, ikkita idishni tishi bilan ochib bergan.
Keti Perri — bo‘yni bilan qurbaqa kabi nafas oladi
Keti Perrining noyob iste’dodi ko‘pchilikni hayron qoldirishi tabiiy. Xonanda ko‘p yillardan beri American Idol shousida hakamlar hay’ati a’zosi sifatida ishtirok etib keladi. U bir ishtirokchi sahnaga chiqqan paytda bo‘yni bilan qurbaqa kabi nafas olishini ma’lum qildi. Hech kim Perri o‘z qobiliyatini studiyada namoyish etishini kutmagan edi. Hakamlar hay’ati a’zosi Lionel Richi hatto uning bo‘yniga teginib ko‘rgan, biroq qo‘rqib tezda qo‘lini tortib olgan.
Kendall Jenner — qushlar kabi sayray oladi
Kim Kardashyanning singlisi model Kendall Jenner “Shrek” multfilmidagi malika Fiona singari qushlardek sayrashni biladi. Kendall Jenner bolaligidan qushlar tilini o‘rganadi, ularning ovozini eslab qoladi va bulbul kabi sayray oladi. U toshli o‘rmonning har bir burchagini “jonlantira” oladi. Bu esa ornitolog va neyrolingvistlar uchun haqiqiy topilma.
Pirs Brosnan — olovni yutish
Aktyor Pirs Brosnan ekranlardagi Jeyms Bond obrazidagi sovuqqonligi bilan muxlislarni hayratda qoldirdi, shuningdek, u sirkda olqishlarga sazovor bo‘lishi ham mumkin edi. Pirs o‘smirlik chog‘ida olovni yutish tryukini bajarishni o‘rgandi va hatto sirk truppasi bilan uch yil davomida gastrollarda bo‘ldi, oxir-oqibat u o‘z hayotini kino bilan bog‘lashga qaror qildi.
Izoh (0)