Yulduzlar va isrofgarchilik ajralmas so‘zlardir. Buning tasdig‘i sifatida dunyoga mashhur taniqli shaxslarga tegishli qasrlarni ko‘rish mumkin. Ko‘pincha ular o‘z egalarining yutuqlaridan ham ko‘proq hayratga sazovor bo‘ladi.
Beyonse va Jay-Z
Beyonse va Jay-Z’ning Kaliforniyadagi uyini noodatiy deb aytish mumkin, chunki u Kaliforniyadagi eng qimmat uy hisoblanadi. Tashqi ko‘rinishida, yulduzli juftlikning uyi alohida. Juftlik uyni 2023-yilning may oyida 200 million dollarga sotib olgan.
Uyning maydoni 30 000 kvadrat metr, u Tinch okeani sohilida, mashhur Billionare’s Row hududida joylashgan. Bino yapon meʼmori Tadao Ando tomonidan loyihalashtirilgan bo‘lib, uning qurilishi 15 yil davom etgan.
Margo Robbi
Ko‘plab qizlar bolaligida Barbie qo‘g‘irchoqlari yoki ushbu o‘yinchoqning turli aksessuarlarini o‘ynagan. Masalan, pushti plastik uy. Bu uyning haqiqiysi ham mavjud. Uy yashash uchun emas, mashhur “Barbi” filmini suratga olish uchun mo‘ljallangan. Bosh rolni o‘ynagan Margo Robbi o‘z qahramonining uyiga bordi.
Uyda plastmassadan tayyorlanmagan yagona narsa yostiq va choyshab, ya’ni ular haqiqiy matodan tikilgan. Qolgan hamma narsalar, hatto hovuzdagi suv ham plastmassa hisoblanadi, biroq u juda g‘alati ko‘rinadi. Dizaynerlar suratga olish maydonchasida haqiqiy san’at asarini yaratdi.
“Barbilendda na suv, na olov bor. Hech qanday element yo‘q. Hamma basseyn bo‘ylab sayr qiladi va bu soxta bo‘lishiga qaramay, u Barbilenddagi boshqa narsalar kabi juda chiroyli”, — deydi Margo.
Peris Hilton
Aktrisaning o‘ndan ortiq zotli itlari bor. Peris Hilton yaxshi ko‘rgan hayvonlari uchun uy qurib berdi. U itlari uchun qurilgan uyga 325 ming dollar sarfladi. Peris uy hayvonlari hashamatli hayotda yashashini va o‘z uyiga ega bo‘lishini xohladi. Biroq mini-saroyni qurishdan asosiy maqsad itlarning xavfsizligi edi.
“Itlar uchun uyni yaratishda menga uyimning ichki qismini jihozlagan dekorator yordam berdi”, — deydi aktrisa.
Pyer Karden: pufak-uy
Futurizm va avangard namunasi bo‘lgan qabariq uy 1991-yilda modelyer Pyer Kardenning mulkiga aylandi. Turar joy Kann yaqinida, O‘rta Yer dengizi sohilidagi qoyada joylashgan. Arxitektor g‘oyasiga ko‘ra uy ibtidoiy odamlarning g‘orlariga o‘xshatib qurilgan. Uy qoplamasi purkaladigan betondan qilingan va pog‘onali tomlardan pastga — hovuzga tushiladi.
Xonalar realikka to‘g‘ri kelmaydigan taassurot qoldiradi. Ularning har biri alohida katak (avtonom pufak) bo‘lib, derazasi ulkan illyuminator shaklida. Shisha o‘rniga shaffof akril ishlatilgan. Mebellar ham uy uchun maxsus yaratilgan. Kreslo va divanlarning amorf konturlari interyerga mos keladi. To‘g‘ri, uyda kamchiliklar ham bor – insayderlarning aytishicha, bino tomidan suv sizib chiqadi va yashash uchun qulay emas.
Naomi Kempbell: Gorning ko‘zi
Bir muncha vaqt oldin rossiyalik milliarder Vladimir Doronin yordami bilan Qora Panteraning sobiq sevgilisi unga tug‘ilgan kunida ajoyib mulk sovg‘a qildi. Kleopatra orolida (Turkiya) supermodel uchun eko-uy qurildi, uning konturlari yuqoridan qaraganda Gor ko‘zining chizilgan rasmini takrorlaydi. Afsonaga ko‘ra, Misrning mazkur ramzi Yer yuzidagi va keyingi hayotdagi ofatlardan himoya qiladi.
Sfera shaklidagi tom po‘lat va shishadan yasalgan bo‘lib, uning ostida panoramali bog‘ mavjud. Kechasi yulduzlarni tomosha qilish mumkin bo‘lgan sferaning noodatiy pardalari kunduzgi quyoshdan himoya qiladi. Ko‘zning qora konturi energiya ishlab chiqaradigan fotoelektr panellardan iborat. Shuningdek, mazkur uy chiqindilarni tozalash tizimi bilan ta’minlangan.
Jon Travolta: mini aeroport
Samolyot kolleksioneri sifatida aktyor “kelajakning qulayligi va interyerini” yaratishga kirishdi. U amerikancha uy va aeroport terminali birlashtirilgan loyihani shaxsan o‘zi ishlab chiqdi: boshqaruv markazi, ekipaj uchun kabina va uyning kirish qismida samolyotlar turadigan joyda.
Uchish-qo‘nish yo‘laklari turar joyga olib boradi va uydagi barcha koridorlar egalarining sevimli joyi bo‘lgan yemakxonaga olib chiqadi. Hashamatli uy besh xona va ovqatlanish xonasidan iborat. Ovqatlanish xonasidagi bukilgan moviyrang derazalar kengligi 5 metrga 4 metr bo‘lib, samolyotlar to‘xtash joyining ajoyib ko‘rinishini beradi.
Oilaviy ovqatlanadigan yemakxona 23 kvadrat metrlik freska bilan bezatilgan. Mazkur xonada parvozni kutayotgan baxtli oila tasvirlangan. Jon Travolta bu tasvirni 1937-yilda Fortune jurnalida ko‘rgan. Shuning uchun xonaning ichki qismi vintaj uslubida yaratilgan. Xona devorlari fotosuratlar, diplomlar, aviatsiyaga oid rasmlar bilan bezatilgan.
Izoh (0)