Xitoy shimoli-g‘arbida joylashgan Inchuan shahridagi restoranlardan birida suyultirilgan gaz balloni portladi, deb xabar bermoqda Sinxua axborot agentligi mahalliy hokimiyatga tayanib.
Portlash 21-iyun kuni kechqurun barbekyu restoranida gaz sizib chiqishi tufayli sodir bo‘lgan.
31 kishi halok bo‘ldi, yana 7 kishi yaralandi, jabrlanganlardan biri og‘ir ahvolda.
Xitoy rahbari Si Szinpin voqea munosabati bilan xavfsizlik choralarini kuchaytirishni buyurdi.
Shuningdek, 21-iyun kuni Parijning Sen-Jak ko‘chasidagi uyda portlash sodir bo‘lgandi. Ko‘chada “Parijdagi Amerika dizayn akademiyasi” joylashgan edi. Portlashdan keyin bino qulab tushgan va yong‘in boshlangan, so‘ng olov qo‘shni uylarga o‘tgan. Mahalliy aholi evakuatsiya qilindi. Fransiya IIVning so‘nggi maʼlumotlariga ko‘ra, 37 kishi jabrlangan, ulardan to‘rt nafarining ahvoli og‘ir, qutqaruvchilar yana ikki kishini qidirmoqda.
Izoh (0)