Turkiya g‘arbidagi Nazilli shahridagi restoranlardan birida gaz balloni portlashi oqibatida yetti kishi halok bo‘ldi, besh kishi jarohatlandi. Bu haqda Cumhuriyet xabar berdi.
Voqea aks etgan kadrlarda portlash kuchli bo‘lgani va binoga jiddiy zarar yetkazganini ko‘rish mumkin. Hodisa joyida maxsus xizmatlar ishlamoqda, shifokorlar jarohatlanganlarga yordam bermoqda.
Portlash vaqtida restoranda 20 kishi bo‘lgan, restorandagi ikki kishi binoning ikkinchi qavatidan sakragan.
Turkiyada kuzatilgan so‘nggi portlashlar:
4-dekabr kuni Turkiyada turar joy binosidagi portlash yuz berib, 6 kishi jarohat olgandi. Portlash isitish qozoni tufayli sodir bo‘lgan.
16-dekabrda Turkiyada minalangan avtomobil portlashi oqibatida 8 nafar politsiyachi jabrlangan, jarohatlanganlar shifoxonaga yetkazilgan.
13-noyabr kuni Istanbuldagi mashhur sayyohlar ko‘chasi Istiqlolda portlash yuz bergandi. Olti kishi halok bo‘ldi, kamida 81 kishi, jumladan, bir o‘zbekistonlik jarohat oldi. Istanbul Bosh prokuraturasi portlashni terakt sifatida baholadi. Hodisada gumonlanib 50 kishi qo‘lga olindi.
Izoh (0)