Aksiyadorlik tijorat Xalq banki tadbirkorlik subyektlarini moliyaviy qo‘llab-quvvatlash orqali joylarda ishbilarmonlik muhitini yaxshilash bo‘yicha hukumat tomonidan amalga oshirilayotgan sa’y-harakatlarning faol ishtirokchilaridan. Moliya muassasasida aholini tadbirkorlikka jalb qilish, yangi ish o‘rinlarini yaratish orqali bandlikni ta’minlash borasida tizimli ishlar amalga oshirilmoqda.
2023-yilning 21-iyun kuni Xalq banki moliyaviy ko‘magida faoliyatini amalga oshirayotgan tadbirkorlik obyektlari bilan yaqindan tanishish maqsadida ommaviy axborot vositalari, jurnalistlar va jamoatchilik faollari ishtirokida Samarqand viloyatiga press-tur tashkil etildi. 
Kichik ustaxonadan yirik kompaniyagacha…
Press-tur ishtirokchilari dastlab “SAMPLASTSERVIS” MCHJdagi ishlab chiqarish jarayonlari, bu yerdagi shart-sharoitlarni ko‘zdan kechirdi.
2008-yilda faoliyatini eshik-deraza yig‘ish ustaxonasi sifatida boshlagan mazkur obyekt bugungi kunda metall eshik va deraza romlari ishlab chiqarish bozorida yetakchilardan hisoblanadi. Korxonadagi zamonaviy uskunalar ishlab chiqarish jarayonlarida kompaniyaning keng texnologik imkoniyatlarini ta’minlamoqda. 
Hamyonbop narx, qisqa vaqtda sifatli mahsulot tayyorlash quvvati, har bir xomashyoni tanlashda individual yondashuv kabi afzalliklari bilan ajralib turadigan korxonada bugungi kunda “BIKO PVC” brendi ostida PVX profillar, deraza va eshik romlari kabi mahsulotlar ishlab chiqarilmoqda. Mahsulotlar Germaniya va Turkiyadan keltirilgan sifatli xomashyodan tayyorlanadi.
Zamonaviy uskunalar sotib olish hamda faoliyat ko‘lamini kengaytirish maqsadida Xalq bankidan qariyb 800 mln so‘mlik kredit mablag‘i ajratilgan korxonaning bugungi kundagi yillik daromadi 46 mlrd so‘mni tashkil etadi. Korxona 120 ga yaqin kishini ish o‘rni bilan ta’minlagan.
“SAMPLASTSERVIS” MCHJning kelgusidagi rejalari iste’molchilarga sifatli, hamyonbop mahsulotlar yetkazib berish, ishlab chiqarish hajmini yanada oshirib, mamlakat sanoati rivojiga hissa qo‘shishdir.
Qo‘li gul tadbirkor ayol
Hunarmand Aziza Po‘latova tikuvchilik yo‘nalishidagi faoliyatini kengaytirish maqsadida Xalq banki moliyaviy ko‘magidan foydalanib o‘z biznesini yuritayotgan tadbirkor ayollardan. 10dan ortiq shogirdlar yetishtirgan tadbirkor faoliyati ortidan yaqinlarining ham bandligi ta’minlanishiga hissa qo‘shib kelmoqda. Xususan, uning turmush o‘rtog‘i va o‘g‘li bugungi kunda teriga rasm chizish bo‘yicha qo‘shimcha biznesini yo‘lga qo‘ygan.
Tadbirkor ayol tomonidan atlas, adras, banoras, beqasam va shoyi kabi milliy matolardan tikilgan liboslar o‘zining bejirim dizayni, zamonaviylik hamda milliylikni uyg‘unlashtirganligi bilan juda xaridorgir. Samarqandga tashrif buyuradigan sayyoh borki, Azizaning milliy dizayndagi liboslari oldidan befarq o‘tolmaydi. U kiyimlarini xorijliklar mamlakatiga qaytganidan so‘ng ham aloqaga chiqib, buyurtma qilayotganini faxr bilan so‘zlaydi.
Qo‘li gul tadbirkor Aziza Po‘latova hunari ortidan turli nufuzli tanlovlar, milliy liboslar namoyishlarida ishtirok etib sovrinli o‘rinlarni egallab kelmoqda.
Bundan tashqari “Konigil” turizm markazida bankimiz moliyaviy ko‘magida faoliyatini amalga oshirib kelayotgan ko‘plab hunarmandlar va ularning qo‘l mehnati bilan yaratilayotgan nodir namunalar bilan yaqindan tanishish imkoni bo‘ldi.
Xalq banki har jabhada tadbirkorlik faoliyatini qo‘llab-quvvatlab yurtimizda ishbilarmonlik muhitini rivojlantirishga tayyor O‘zbekistonning birinchi banki.
Reklama huquqi asosida.
Izoh (0)