Prezidentning 2022-yil 23-avgustdagi 357-sonli qaroriga asosan sovrin jamg‘armasi 1 mln dollarni tashkil etuvchi President Tech Award eng yaxshi startaplar tanlovi e’lon qilingan. Bundan ko‘zlangan maqsad yoshlar e’tiborini IT-texnologiyalari sohasiga jalb qilish va ularni jahon bozorida raqobatlasha oladigan innovatsion yechimlar va ishlanmalarni yaratishga undashdan iborat.
President Tech Award – raqamli texnologiyalar sohasidagi eng yaxshi startap loyihalari uchun tanlov.
ITga qiziquvchi yoshlar uchun mo‘ljallangan tanlov asosiy va maxsus yo‘nalishlarga bo‘lingan.
Asosiy yo‘nalish quyidagi toifalarga bo‘linadi:
- sunʼiy intellektga asoslangan texnologiyalar;
- ijtimoiy sohadagi raqamli texnologiyalar;
- axborot va kiberxavfsizlik sohasidagi texnologiyalar;
- tadbirkorlik va moliyaviy texnologiyalar;
- kompyuter va mobil o‘yinlar.
Tanlovning har bir toifasi uchun mukofot jamg‘armasi quyidagicha taqsimlangan:
1-o‘rin uchun — $100 000;
2-o‘rin uchun — $50 000;
3-o‘rin uchun — $30 000.
Maxsus yo‘nalish esa Xakaton Gran-prisi bo‘lib, bu 72 soat ichida raqamli yechim yaratishni ko‘zda tutadi. Xakatonda g‘olib bo‘lgan jamoa $100 000 miqdoridagi pul mukofotiga ega chiqadi.
Ishtirok etish uchun arizalar tanlovning shaffofligi va ochiqligini taʼminlash maqsadida awards.gov.uz maxsus portali orqali qabul qilinadi.
Portal – bu tanlov haqidagi barcha maʼlumotlar joylashtirilgan veb-sayt. Bu yerda siz jamoalarga qo‘shilishingiz va yo‘nalishlardan birida ishtirok etishingiz mumkin. Keyingi bosqichga o‘tish yoki o‘tmaslik haqidagi maʼlumotlar ham maxsus platforma orqali yuboriladi.
Hujjatlar 1-iyulgacha qabul qilinadi.
1-iyuldan 25-iyulga qadar saralash bosqichi o‘tkaziladi.
Tanlovda 30 yoshgacha bo‘lgan shaxslar ishtirok etishi mumkin. Asosiy yo‘nalishda – faqat O‘zbekiston fuqarolari, maxsus yo‘nalishda esa IT Park rezident kompaniyalari xodimlari bo‘lgan chet el fuqarolari va fuqaroligi bo‘lmagan shaxslar qatnasha oladi.
President Tech Award tanlovi tashkilotchilarni qiziqarli chellenjni ham e’lon qilishdi.
Uning shartiga ko'ra, siz startapingizga mos yo'nalishni aniqlash uchun tanlovning rasmiy veb-saytida testdan o'tasiz va javobingizni izohda qoldirasiz. Shu orqali eng ko‘p loyihalar qaysi soha bo‘yicha ekanligi aniqlanadi.
Bundan tashqari, awards.gov.uz sayti desktop versiyasidagi o'yinda ishtirok etib, sovrinlarni qo'lga kiritishingiz mumkin.
Shuningdek, Magic City Parkda President Tech Award tanlovi uchun foto zona tashkil etildi. Endi sizda esda qolarli joyda suratga tushish imkoni bor. Instagramda o‘zingizga yoqqan suratni IT Parkni belgilagan holda yuklang va eng kreativ fotosurat egasi sifatida maxsus sovrinni yutib oling.
Sayt: awards.gov.uz
Telegram: t.me/PresidentTechAward
Murojaat uchun: t.me/uztechaward
Reklama huquqi asosida.
Izoh (0)