Акциядорлик тижорат Халқ банки тадбиркорлик субъектларини молиявий қўллаб-қувватлаш орқали жойларда ишбилармонлик муҳитини яхшилаш бўйича ҳукумат томонидан амалга оширилаётган саъй-ҳаракатларнинг фаол иштирокчиларидан. Молия муассасасида аҳолини тадбиркорликка жалб қилиш, янги иш ўринларини яратиш орқали бандликни таъминлаш борасида тизимли ишлар амалга оширилмоқда.
2023 йилнинг 21 июнь куни Халқ банки молиявий кўмагида фаолиятини амалга ошираётган тадбиркорлик объектлари билан яқиндан танишиш мақсадида оммавий ахборот воситалари, журналистлар ва жамоатчилик фаоллари иштирокида Самарқанд вилоятига пресс-тур ташкил этилди. 
Кичик устахонадан йирик компаниягача…
Пресс-тур иштирокчилари дастлаб “SAМPLASЦERВИС” МЧЖдаги ишлаб чиқариш жараёнлари, бу ердаги шарт-шароитларни кўздан кечирди.
2008 йилда фаолиятини эшик-дераза йиғиш устахонаси сифатида бошлаган мазкур объект бугунги кунда металл эшик ва дераза ромлари ишлаб чиқариш бозорида етакчилардан ҳисобланади. Корхонадаги замонавий ускуналар ишлаб чиқариш жараёнларида компаниянинг кенг технологик имкониятларини таъминламоқда. 
Ҳамёнбоп нарх, қисқа вақтда сифатли маҳсулот тайёрлаш қуввати, ҳар бир хом ашёни танлашда индивидуал ёндашув каби афзалликлари билан ажралиб турадиган корхонада бугунги кунда “БИКО ПВC” бренди остида ПVX профиллар, дераза ва эшик ромлари каби маҳсулотлар ишлаб чиқарилмоқда. Маҳсулотлар Германия ва Туркиядан келтирилган сифатли хом ашёдан тайёрланади.
Замонавий ускуналар сотиб олиш ҳамда фаолият кўламини кенгайтириш мақсадида Халқ банкидан қарийб 800 млн сўмлик кредит маблағи ажратилган корхонанинг бугунги кундаги йиллик даромади 46 млрд сўмни ташкил этади. Корхона 120 га яқин кишини иш ўрни билан таъминлаган.
“SAМPLASЦERВИС” МЧЖнинг келгусидаги режалари истеъмолчиларга сифатли, ҳамёнбоп маҳсулотлар етказиб бериш, ишлаб чиқариш ҳажмини янада ошириб, мамлакат саноати ривожига ҳисса қўшишдир.
Қўли гул тадбиркор аёл
Ҳунарманд Азиза Пўлатова тикувчилик йўналишидаги фаолиятини кенгайтириш мақсадида Халқ банки молиявий кўмагидан фойдаланиб ўз бизнесини юритаётган тадбиркор аёллардан. 10дан ортиқ шогирдлар етиштирган тадбиркор фаолияти ортидан яқинларининг ҳам бандлиги таъминланишига ҳисса қўшиб келмоқда. Хусусан, унинг турмуш ўртоғи ва ўғли бугунги кунда терига расм чизиш бўйича қўшимча бизнесини йўлга қўйган.
Тадбиркор аёл томонидан атлас, адрас, банорас, беқасам ва шойи каби миллий матолардан тикилган либослар ўзининг бежирим дизайни, замонавийлик ҳамда миллийликни уйғунлаштирганлиги билан жуда харидоргир. Самарқандга ташриф буюрадиган сайёҳ борки, Азизанинг миллий дизайндаги либослари олдидан бефарқ ўтолмайди. У кийимларини хорижликлар мамлакатига қайтганидан сўнг ҳам алоқага чиқиб, буюртма қилаётганини фахр билан сўзлайди.
Қўли гул тадбиркор Азиза Пўлатова ҳунари ортидан турли нуфузли танловлар, миллий либослар намойишларида иштирок этиб совринли ўринларни эгаллаб келмоқда.
Бундан ташқари “Конигил” туризм марказида банкимиз молиявий кўмагида фаолиятини амалга ошириб келаётган кўплаб ҳунармандлар ва уларнинг қўл меҳнати билан яратилаётган нодир намуналар билан яқиндан танишиш имкони бўлди.
Халқ банки ҳар жабҳада тадбиркорлик фаолиятини қўллаб-қувватлаб юртимизда ишбилармонлик муҳитини ривожлантиришга тайёр Ўзбекистоннинг биринчи банки.
Реклама ҳуқуқи асосида.
Изоҳ (0)