Britaniya harbiy razvedkasi Ukrainadagi urush bo‘yicha kunlik sharhida Rossiya qo‘mondonligi front chizig‘idan uzoqda mudofaani kuchaytirishda davom etayotganini yozdi.
Sharh mualliflarining so‘zlariga ko‘ra, Qrim shimolida — Armyansk yaqinida — anneksiya qilingan yarim orolni Xerson viloyati bilan bog‘lovchi tor quruqlik ko‘prigi bo‘ylab keng ko‘lamli mudofaa chizig‘i o‘rnatilgan.
Buyuk Britaniya Mudofaa vazirligi Rossiya o‘rnatgan mudofaa chizig‘ining sun’iy yo‘ldoshdan olingan tasvirlarini e’lon qildi, unda har biri taxminan 9 kilometr uzunlikdagi ikkita istehkom chizig‘i va ular orasidagi harakatlanishga mo‘ljallangan xandaqlarni ko‘rish mumkin.
Britaniya razvedkasining fikricha, Rossiya hukumati mudofaaga alohida e’tibor qaratmoqda, chunki ular Ukraina Qurolli kuchlarining anneksiya qilingan yarim orolga hujum boshlashidan qo‘rqadi, Qrim ustidan nazoratni saqlab qilish Rossiya rahbariyati uchun asosiy siyosiy ustuvorliklardan biri hisoblanadi.
- May oyi boshida Buyuk Britaniya Mudofaa vazirligi Rossiya o‘nlab yillar davomida Qrimda ham, Belgorod va Kursk viloyatlarining chegara hududlarida ham dunyodagi eng yirik mudofaa tizimlaridan birini qurganini ma’lum qilgandi.
Izoh (0)