Ukraina bosh vaziri o‘rinbosari Aleksandr Kubrakov Yaponiyaning NHK telekanali efirida Kaxovka GESning buzilishi va suv toshqini tufayli 1 millionga yaqin odam ichimlik suvi tanqisligiga duch kelishi mumkinligini aytdi.
“Hozir aholini suv bilan ta’minlash maqsadida boshqa suv omborlaridan yangi quvur o‘tkazish ustida ishlayapmiz”, — dedi Kubrakov.
Bosh vazir o‘rinbosarining taʼkidlashicha, Kiyevda zarar ko‘rgan hududlardagi ofat ko‘lami haqida to‘liq tasavvur hosil qilish imkoni bo‘lmayapti. Uning fikricha, ta’mirlash ishlari urush tugashidan oldin boshlanishi kerak.
Birlashgan Millatlar Tashkiloti hisob-kitoblariga ko‘ra, Ukrainada 700 ming kishi ichimlik suvi tanqisligidan aziyat chekishi mumkin.
- Kaxovka GES to‘g‘oni 6-iyun kuni ertalab vayron qilindi; Moskva va Kiyev yuz bergan voqeada bir-birini aybladi. Ikkala tomon ham suv bosgan hududlardan aholini evakuatsiya qila boshladi.
- Kaxovka GES o‘rnida yangi stansiya qurish kamida besh yil vaqt oladi va kamida bir milliard grivna (27 million dollar)ga tushadi.
- Maxar kompaniyasi vayron bo‘lgan GESning sun’iy yo‘ldoshdan olingan tasvirlarini chop etgandi.
Izoh (0)