O’zLiDePdan prezidentlikka nomzod Shavkat Mirziyoyev navoiylik saylovchilar bilan uchrashuvda suv xo‘jaligidagi islohotlar uchun kelgusi yetti yilda Navoiyga 2,5 trillion so‘m yo‘naltirilishini aytdi.
“Suv resurslarini tejash, ulardan samarali foydalanish bo‘yicha katta islohotlarni amalga oshiramiz. Bu ishlar o‘z-o‘zidan bo‘lmaydi, juda ko‘p mablag‘ kerak, lekin, qanchalik qiyin bo‘lmasin, bunga barcha kuch va vositalarni safarbar qilamiz”, — dedi nomzod.
Shavkat Mirziyoyev suv ta’minoti eng og‘ir bo‘lgan Qiziltepa, Xatirchi va Karmana tumanlarida 8 ming gektar maydonlar yopiq quvurli sug‘orish tizimiga o‘tkazilishini ta’kidladi.
“Bunga 150 milliard so‘m beriladi. Birgina shuning o‘zida, sug‘orishga sarflanadigan 200 million kub metr suvning 40 foizi tejaladi.
Bundan tashqari, Navoiydagi mavjud kanallarning 150 kilometr qismi beton qoplamaga o‘tkaziladi, 125 kilometr drenaj tarmoqlari rekonstruksiya qilinadi. Bunga 300 milliard so‘m ajratiladi”, — dedi nomzod.
Izoh (0)