Kaxovka GES portlashi oqibatlarini aks ettiruvchi Maxar kompaniyasining yangi sun’iy yo‘ldosh suratlari e’lon qilindi. Tegishli kadrlar “Sxemalar” loyihasi tomonidan 16-iyun kuni chop etilgan.
2023-yil 16-iyundagi suratlarda to‘g‘on va suv ostida qolgan atrofni ko‘rish mumkin. Kadrlardan birida, portlatilgan gidroelektrostantsiyadan unchalik uzoq bo‘lmagan Kazatskoye shaharchasidagi “Nibulon” terminali aks etgan.
Avvalroq terminal butunlay suv ostida qolgani xabar qilingandi. Biroq sun’iy yo‘ldoshdan olingan so‘nggi suratlar terminalda suv sathi pasayishni boshlaganini ko‘rsatmoqda.
Kaxovka GESning vayron bo‘lishi
6-iyunga o‘tar kechasi Xerson viloyatidagi Kaxovskaya GES portlatildi. Ukraina va Rossiya hodisada bir-birini ayblamoqda hamda bir-biriga qo‘yilgan ayblovlarni rad etmoqda.
Ukraina janubi mudofaa kuchlarining Birlashgan muvofiqlashtiruvchi matbuot markazi rahbari Natalya Gumenyukning so‘zlariga ko‘ra, rus harbiylari shu yo‘l bilan Ukraina Qurolli kuchlari qarshi hujumining oldini olmoqchi bo‘lgan.
Uning aniqlik kiritishicha, dushman shoshilinch qadam tashlagan va endi uning o‘zi suv bosgan hududlardan qanday qochishni bilmayapti. Rossiya oldindan GESga zarba berishga tayyorgarlik ko‘rgani ta’kidlangan.
O‘z navbatida, Ukraina razvedkasi (GUR) rahbari Andrey Yusovning aytishicha, Ukrainada Rossiya stansiyani qanday portlatganiga oid dalillar bor. Xususan, dushman GES to‘g‘onini masofadan turib portlatib yuborgan.
Kaxovka GES o‘rnida yangi stansiya qurish kamida besh yil vaqt oladi va kamida bir milliard grivna(27 million dollar) ga tushadi.
Izoh (0)