Украина бош вазири ўринбосари Александр Кубраков Япониянинг NHK телеканали эфирида Каховка ГЭСнинг бузилиши ва сув тошқини туфайли 1 миллионга яқин одам ичимлик суви танқислигига дуч келиши мумкинлигини айтди.
“Ҳозир аҳолини сув билан таъминлаш мақсадида бошқа сув омборларидан янги қувур ўтказиш устида ишлаяпмиз”, — деди Кубраков.
Бош вазир ўринбосарининг таъкидлашича, Киевда зарар кўрган ҳудудлардаги офат кўлами ҳақида тўлиқ тасаввур ҳосил қилиш имкони бўлмаяпти. Унинг фикрича, таъмирлаш ишлари уруш тугашидан олдин бошланиши керак.
Бирлашган Миллатлар Ташкилоти ҳисоб-китобларига кўра, Украинада 700 минг киши ичимлик суви танқислигидан азият чекиши мумкин.
- Каховка ГЭС тўғони 6 июнь куни эрталаб вайрон қилинди; Москва ва Киев юз берган воқеада бир-бирини айблади. Иккала томон ҳам сув босган ҳудудлардан аҳолини эвакуация қила бошлади.
- Каховка ГЭС ўрнида янги станция қуриш камида беш йил вақт олади ва камида бир миллиард гривна (27 миллион доллар)га тушади.
- Махар компанияси вайрон бўлган ГЭСнинг сунъий йўлдошдан олинган тасвирларини чоп этганди.
Изоҳ (0)