Австрияда дунёдаги энг қадимги газета — Wiener Zeitung газетасининг қоғозли версияси ёпилмоқда. Бу нашр давлатга тегишли бўлиб, сифатли матбуот сафига кирар эди.
30 июнь куни унинг сўнгги қоғоз сони чиқади, шундан сўнг газетани фақат интернетда ўқиш мумкин бўлади.
Таҳририятда штат қисқаришлари кутилмоқда, унинг ўнлаб ходимлари янги иш қидиришга мажбур.
“Wiener Zeitung газетаси 1703 йилдан бери мавжуд. Бу йил ёзда биз газетанинг 320 йиллигини нишонлардик. Газета кўплаб воқеаларга гувоҳ бўлиб, ўз саҳифаларида бу ҳақида хабарлар чоп этган. Инсон ҳуқуқлари декларациясининг матни илк бор шу ерда босилган. Моцарт ва Бетховен каби буюк шахслар бу газетада эълон берган. Бу тарихий хотира”, — дейди Wiener Zeitung газетаси бош муҳаррири ўринбосари Юдит Белфких.
Изоҳ (0)