May oyida Argentinada narxlarning o‘sishi 7,8 foizga yetdi. Yil boshidan buyon bu ko‘rsatkich 42,2 foizga o‘sdi.
2022-yilning may oyi bilan solishtirganda, inflyatsiya 114,2 foizga o‘sganini ko‘rish mumkin. Bu haqda Argentina Statistika va aholini ro‘yxatga olish instituti ma’lumotlariga tayanib, “TASS” xabar berdi.
May oyi natijalariga ko‘ra, uy-joy, yoqilg‘i va kommunal xizmatlar narxlari eng ko‘p – 11,9 foizga o‘sgan. Ikkinchi o‘rindan – 9,3 foizga o‘sgan mehmonxonalar va restoranlardagi narxlar joy olgan. Argentinada eng kam o‘sgan narxlar ta'lim olishga aloqador narxlar bo‘lib turibdi — 4,9%.
Bir necha yildan beri Argentina dunyodagi eng yuqori inflyatsiya ko‘rsatkichlaridan birini qayd etib kelmoqda. Fevral oyida bu ko‘rsatkich 102,5% ga o‘sdi, bu 1991-yildan beri eng yuqori ko‘rsatkich bo‘ldi.
Izoh (0)