Президентликка номзод Шавкат Мирзиёев фарғоналик сайловчилар билан учрашувда тиббиёт соҳасига оид қуйидаги режалари ҳақида маълумот берди.
“Соғлиқни сақлаш соҳасига эътиборни янада кучайтирамиз. 2030 йилга қадар Фарғонада 100 дан ортиқ тиббиёт муассасалари қурилади ва таъмирланади. Соҳага хусусий секторни кенг жалб қилиш орқали, яна 300 дан зиёд хусусий клиника фаолияти йўлга қўйилади (уларнинг сони 1 минг 100 тага етказилади)“, – деди Шавкат Мирзиёев.
Номзод вилоятдаги эндокринология, урология ва кардиология марказлари, шунингдек кўп тармоқли шифохона ва тез тиббий ёрдам хизматини ўз ичига қамраб олган мазкур кластерни барпо этишга 150 миллион доллар йўналтирилишини айтди.
”Натижада, ушбу кластер томонидан йилига 100 минг нафар беморларга юқори малакали тиббий хизматлар кўрсатилиши таъминланади. Бугунги кунда вилоятдаги онкологик касалликка чалинган 7 мингдан ортиқ беморлар нур терапиясини олиш учун пойтахтга ёки қўшни вилоятларга қатнашга мажбур бўлмоқда. Шу боис, 10 миллион доллар сармоя эвазига “Нур терапия маркази” ишга туширилади”, — деди Шавкат Мирзиёев.
Изоҳ (0)