Iyun oyining oxirida Yevropaning bir qator davlatlarida havo harorati me’yordan ancha yuqori bo‘lishi kutilmoqda.
Jumladan, Ispaniyada havo Selsiy bo‘yicha 45 darajagacha qiziydi. Bu haqda Bloomberg xabar bermoqda.
Yozning birinchi oyi oxiriga qadar yuqori harorat Pireney yarim orolini qoplashi kutilmoqda. Hao harorati yaqin kunlarda Berlinda 34 darajagacha, Londonda esa 27 darajagacha ko‘tarilishi mumkin.
Yevropa mamlakatlari bunday ob-havo sharoitlarining oqibatlari gidroenergetikaga qo‘shimcha bosim o‘tkazishi mumkin bo‘lgan qurg‘oqchilikni keltirib chiqarishidan xavfsiramoqda.
May oyi oxirida Xitoyning Shanxay shahrida rekord darajadagi issiqlik qayd etildi — harorat 36,1 darajaga ko'tarildi. Bu 100 yildan ortiq vaqt ichida may oyining eng issiq kuni bo'ldi.
Izoh (0)