БМТ Бош котибининг гуманитар масалалар бўйича ўринбосари ва фавқулодда ёрдам координатори Мартин Гриффиц Каховка ГЭСнинг вайрон бўлиши жаҳон озиқ-овқат хавфсизлигига жиддий таъсир кўрсатиши ва озиқ-овқат нархининг ошишига олиб келишини айтди. Бу ҳақда Reuters хабар берди.
“Қора денгиз ва Қримга тушадиган бу ҳудуднинг барчаси нафақат Украина, балки бутун дунё учун дон омборидир. Бизда озиқ-овқат хавфсизлиги билан боғлиқ муаммолар аллақачон мавжуд, аммо озиқ-овқат нархлари кўтарилишига мен ишонаман”, — деди Гриффиц.
У кейинги ҳосилни йиғиш ва экиш билан боғлиқ муаммолар кузатилиши муқаррар эканини билдирди.
“Чунки тўгондаги портлаш глобал озиқ-овқат хавфсизлигига катта таъсир қилишини кўрамиз. Бу содир бўлади”, — деди у
Шунингдек, Гриффиц 700 мингга яқин одам ичимлик суви учун тўғон орқасидаги сув омборига эҳтиёжманд эканини айтди.
“Тоза сув бўлмаса, маҳаллий аҳоли касалликларга мойил бўлади ва болалар бунда энг заиф қатлам”, — деди у.
Унинг сўзларига кўра, фуқаролик инфратузилмасига бундай катталикдаги зарар етказилиши халқаро гуманитар ҳуқуққа, жумладан, Женева конвенция ларига “бутунлай зиддир”.
“Каховка ГЭСни портлатган Женева конвенция ларини бузгани аниқ”, — дея хулоса қилди.
Изоҳ (0)