Toshkentning Mirobod, Yashnobod va Yunusobod tumanlarining ayrim hududlarida elektr energiyasi ta’minoti vaqtincha to‘xtatildi. Bu haqda “Hududiy elektr tarmoqlari” poytaxt filiali xabar berdi.
Qayd etilishicha, isteʼmolchilarga sifatli va barqaror elektr energiyasini yetkazib berilishini taʼminlash, elektr tarmoqlarida sodir bo‘lishi mumkin bo‘lgan avariyaviy holatlar oldini olish hamda taʼmirlash ishlarini xavfsiz bajarish maqsadida ayrim joylarga elektr energiyasi ta’minoti vaqtincha to‘xtatilmoqda.
Xususan, 10-iyun kuni quyidagi manzillarda elektr taʼminoti vaqtincha to‘xtatildi:
- Mirobod tumani — Moshtabib, Nukus, S.Baraka, A.Temur hamda Turkiston ko‘chalarida soat 10:00 dan 17:00 gacha;
- Yashnobod tumani — Chashma, Ilg‘or shox, Ohangrabo, “Mirishkor” MFYning Darhon, Ilg‘or shoh ko‘chalari hududida soat 10:00 dan 17:00 gacha;
- Yunusobod tumani — Usta Shirin, A.Po‘lat va Mirtemir ko‘chalari hududida soat 09:00 dan 17:00 gacha.
“Hududiy elektr tarmoqlari” AJ Toshkent shahar filiali mazkur taʼmirlash ishlari tufayli elektr energiyasi taʼminotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi isteʼmolchilardan uzr so‘raydi.
Kuni kecha yuqori kuchlanishli elektr tarmog‘idagi nosozlik sabab bir necha nasos stansiyalari elektr ta’minotidan uzilgandi. Buning natijasida Yashnobod, Yakkasaroy, Mirobod tumanlaridagi bir qator aholi massivlari suvsiz qolgan. Olib borilgan tiklash ishlari natijasida Yakkasaroy tumanining ba’zi hududlarida elektr energiyasi qayta tiklangan. Tez fursatlarda qolgan hududlar ham elektr energiyasiga qayta ulanadi.
Izoh (0)