Toshkentning Chilonzor, Bektemir, Mirzo Ulug‘bek va Yashnobod tumanlarining ayrim hududlarida elektr energiyasi ta’minoti vaqtincha to‘xtatildi. Bu haqda “Hududiy elektr tarmoqlari” poytaxt filiali xabar berdi.
Qayd etilishicha, isteʼmolchilarga sifatli va barqaror elektr energiyasini yetkazib berilishini taʼminlash, elektr tarmoqlarida sodir bo‘lishi mumkin bo‘lgan avariya holatlarini oldini olish hamda taʼmirlash ishlarini xavfsiz bajarish maqsadida ayrim joylarga elektr energiyasi ta’minoti vaqtincha to‘xtatilmoqda.
Xususan, 9-iyun kuni quyidagi manzillarda elektr taʼminoti vaqtincha to‘xtatildi:
- Chilonzor tumani — “Bog‘iston” hamda “Lutfiy” MFYlari ayrim hududlarida soat 09:00 dan 17:00 gacha elektr taʼminoti vaqtincha to‘xtatildi;
- Bektemir tumani — “Iyk ota” MFYning Imon (Ma’rifat), Mevazor, Orasta hamda Taraqqiyot va “Oltintopgan” MFYning ayrim hududlarida soat 09:00 dan 17:00 gacha elektr taʼminoti vaqtincha to‘xtatildi;
- Mirzo Ulug‘bek tumani — “Sh.Burxonov”, “Katta qorasuv”, “Bo‘z”, “Alpomish”, “Podshobog‘” hamda “Yalong‘och” MFYlari hududlarida soat 09:00 dan 12:00 gacha elektr taʼminoti vaqtincha to‘xtatildi;
- Yashnobod tumani — Yangiobod mavzesi, Aviasozlar 2-, 4- mavzesi, Tuzel 2-, 3- mavzesi, 58-sonli Harbiylar shaharchasi, Chilon ota, Alimkent, Elbek, To‘rtko‘l, Qorasuv, Xovos hamda Birlashgan ko‘chalari hududlarida soat 09:00 dan 17:00 gacha elektr taʼminoti vaqtincha to‘xtatildi.
“Hududiy elektr tarmoqlari” AJ Toshkent shahar filiali mazkur taʼmirlash ishlari tufayli elektr energiyasi taʼminotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi isteʼmolchilardan uzr so‘raydi.
Kuni kecha yuqori kuchlanishli elektr tarmog‘idagi nosozlik sabab bir necha nasos stansiyalari elektr ta’minotidan uzilgandi. Buning natijasida Yashnobod, Yakkasaroy, Mirobod tumanlaridagi bir qator aholi massivlari suvsiz qolgan. Olib borilgan tiklash ishlari natijasida Yakkasaroy tumanining ba’zi hududlarida elektr energiyasi qayta tiklangan. Tez fursatlarda qolgan hududlar ham elektr energiyasiga qayta ulanadi.