Shavkat Mirziyoyev Italiya prezidenti Serjo Mattarellaning taklifiga binoan rasmiy tashrif bilan ushbu mamlakatga jo‘nab ketdi. Bu haqda Prezident matbuot xizmati xabar berdi.
Tashrif dasturiga muvofiq, Rim va Milan shaharlarida oliy darajadagi muzokaralar, ikki tomonlama uchrashuvlar hamda Italiyaning yetakchi kompaniyalari rahbarlari bilan muloqot o‘tkazilishi rejalashtirilgan.
Amaliy tashriflar to‘g‘risida
Shavkat Mirziyoyev 2-iyun kuni Qirg‘izistonga jo‘nab ketgan edi. O‘zbekiston prezidenti 2-iyun kuni Cho‘lponota shahrida “Markaziy Osiyo — Yevropa Ittifoqi” ikkinchi sammitida ishtirok etgan.
Prezident 8-may kuni Rossiya prezidenti Vladimir Putinning taklifiga binoan amaliy tashrif bilan Moskva shahriga jo‘nab ketgan. Davlat rahbari Ikkinchi jahon urushidagi g‘alabaning 78 yilligiga bag‘ishlangan tantanali tadbirlarda ishtirok etgan.
Shuningdek, Shavkat Mirziyoyev Germaniya federal prezidenti Frank-Valter Shtaynmayerning taklifiga binoan 2-may kuni tashrif bilan ushbu mamlakatga jo‘nab ketgan edi. Berlin shahrida prezident Frank-Valter Shtaynmayer va Federal kansler Olaf Shols bilan muzokaralar, shuningdek, Germaniyaning yetakchi kompaniyalari rahbarlari bilan uchrashuv o‘tkazilgan.
Izoh (0)