Shavkat Umurzoqovning Germaniya hukumatining ko‘chmanchilar va milliy ozchiliklar masalalari bo‘yicha vakili hamraisi bilan uchrashuvida “Nemis uyi” ochilishi mumkinligi aytildi.
Shahar hokimligi axborot xizmatining ma‘lum qilishicha, Shavkat Umurzoqov Germaniya hukumatining ko‘chmanchilar va milliy ozchiliklar masalalari bo‘yicha vakili hamraisi Natali Pavlik boshchiligidagi delegatsiya bilan uchrashdi.
Hokimlik madaniyat, ta‘lim, sanoat, biznes va turizm kabi turli soha va yo‘nalishlardagi hamkorlikni qo‘llab quvvatlashi va birgalikda ishlashga tayyorligini bildirdi. Germaniyadagi ekologik toza transport harakatini ta‘minlash, dual ta‘lim tizimi yutuqlariga e‘tibor qaratib, bu yo‘nalishlarda mamlakatda, xususan, Toshkentda ham ishlar rejalashtirilganini aytib o‘tdi.
Natali Pavlik O‘zbekistonda nemis tili va madaniyatiga bo‘lgan e‘tibor uchun minnatdorligini aytib, Toshkentda “Nemis uyi”ni ochish taklifini bildirdi. Uchrashuv davomida tomonlar o‘zini qiziqtirgan savollarga javob oldi va o‘zaro amaliy muloqotlar davom etishini bildirdi.
Izoh (0)