Шавкат Мирзиёев Италия президенти Сержо Маттарелланинг таклифига биноан расмий ташриф билан ушбу мамлакатга жўнаб кетди. Бу ҳақда Президент матбуот хизмати хабар берди.
Ташриф дастурига мувофиқ, Рим ва Милан шаҳарларида олий даражадаги музокаралар, икки томонлама учрашувлар ҳамда Италиянинг етакчи компаниялари раҳбарлари билан мулоқот ўтказилиши режалаштирилган.
Амалий ташрифлар тўғрисида
Шавкат Мирзиёев 2 июнь куни Қирғизистонга жўнаб кетган эди. Ўзбекистон президенти 2 июнь куни Чўлпонота шаҳрида “Марказий Осиё — Европа Иттифоқи” иккинчи саммитида иштирок этган.
Президент 8 май куни Россия президенти Владимир Путиннинг таклифига биноан амалий ташриф билан Москва шаҳрига жўнаб кетган. Давлат раҳбари Иккинчи жаҳон урушидаги ғалабанинг 78 йиллигига бағишланган тантанали тадбирларда иштирок этган.
Шунингдек, Шавкат Мирзиёев Германия федерал президенти Франк-Валтер Штайнмаернинг таклифига биноан 2 май куни ташриф билан ушбу мамлакатга жўнаб кетган эди. Берлин шаҳрида президент Франк-Валтер Штайнмаер ва Федерал канцлер Олаф Шольц билан музокаралар, шунингдек, Германиянинг етакчи компаниялари раҳбарлари билан учрашув ўтказилган.
Изоҳ (0)