Ukrainaning zarba beruvchi dronlar bo‘yicha bo‘linmasi qo‘mondoni Valeriy Borovik CNN telekanaliga bergan intervyusida uning kompaniyasi ishlab chiqarishni kengaytirishini aytdi.

Buning uchun Ukrainadagi mudofaa zavodi bilan shartnoma imzolangan. Prognozlarga ko‘ra, uning kompaniyasi oyiga 50 ta o‘rniga 1000 dan ortiq dron ishlab chiqaradi.

Valeriy Borovik kompaniyasi “Vidsyich” jangovar dronini ishlab chiqdi. Bu dron 40 km masofaga ucha oladi va 2-3 kg lik bombalarni olib yura oladi.

“Biz hujumlarimizni asosan juda qimmat rus qurollariga qaratamiz”, — dedi janob Borovik.

May oyida Ukraina hukumati dronlar bilan zarba beruvchi sakkizta rota tashkil etilganini e’lon qildi. Yanvar oyi holatiga ko‘ra, Ukraina harbiylari 3,3 milliard griven (90 million dollar) qiymatidagi 1600 ta dron bo‘yicha shartnoma tuzgan. 2022-yilning yozida e’lon qilingan “Dronlar armiyasi” loyihasi doirasida Ukrainada 10 ming nafar dron operatori o‘qitildi.