Toshkent shahrida metro ichida ikki yigit notanish qizga shilqimlik qilib, holatni videoga oldi. IIV ularga nisbatan chora ko‘rilganini ma’lum qildi.
Metroda notanish qizga shilqimlik qilgan yigitlarning shaxsi aniqlanib, Ma’muriy javobgarlik to‘g‘risidagi kodeksning 41 prim 1-moddasi va 46 prim 1-moddasi bilan bayonnoma rasmiylashtirildi hamda chora ko‘rish uchun sud organlariga yuborildi.
“Aybdorman, biz bu videoni chiqarganimizdan afsusdamiz. Bir kunda xato ish qilganimizni tushundik, uzr so‘rab qolamiz”, — deydi ulardan biri.
Bir necha kun oldin Toshkent viloyati Yangiyo‘l tumanida yashovchi 19 yoshli yigit 10 kun davomida voyaga yetmagan qizni bo‘sh uyda saqlab, uni o‘zi bilan jinsiy aloqa qilishga majburlab kelgani ma’lum bo‘lgandi. Aprel boshida esa Xorazmdagi oilaviy bolalar uyi rahbari uch nafar voyaga yetmagan tarbiyalanuvchini 10 oy davomida viloyat adliya boshqarmasi va tuman favqulodda vaziyatlar bo‘limi boshliqlari bilan jinsiy aloqada bo‘lishga majburlagani ma’lum bo‘lgandi. Adliya vazirligi Jamoatchilik bilan aloqalar bo‘limi ushbu xodim lavozimidan ozod etilganini bildirgan.
Izoh (0)