Dunyo

Xitoyda qayta avj olishi kutilayotgan kovid, 3-marta saylangan Erdo‘g‘on, bir oydan beri namoyish o‘tkazayotgan hind sportchilari — 29-may suratlari

29 may, 22:46 9053

29-may kuni dunyoning turli burchaklaridan olingan sara suratlarni e’tiboringizga havola qilamiz.

Turkiya prezidenti Rajab Toyyib Erdo‘g‘on va rafiqasi Ermine Erdo‘g‘on prezidentlik saylovlarining ikkinchi bosqichida g‘alaba qozonganidan so‘ng Anqaradagi Prezidentlik saroyida o‘z tarafdorlariga qo‘l silkitmoqda.

Rossiyaning Ukrainaga hujumi vaqtida rus uchuvchisiz qurilmasi tomonidan portlatilgan tamaki fabrikasida yong‘inni o‘chirayotgan o‘t o‘chiruvchilar, Kiyev.

Berlinda har yili o‘tkaziladigan Madaniyatlar karnavalining bir qismi bo‘lgan ko‘cha paradida ishtirok etayotgan artistlar.

Ukraina harbiy xizmatchilari front chizig‘i yaqinida rus qo‘shinlariga minomyotdan o‘t ochishga tayyorlanmoqda.

Moskvada “Baliq haftaligi” gastronomik festivali boshlandi.

“Pastlash anatomiyasi” filmi uchun “Oltin palma shoxi” mukofoti sovrindori rejissor Jyustin Trie 76-Kann kinofestivalining yopilish marosimidan so‘ng suratga tushmoqda, Fransiya.

Kelib chiqishi efiopiyalik bo‘lgan isroilliklar Isroil hukumatning haftalik yig‘ilishi oldidan Isroilga efiopiyalik yahudiylar immigratsiyasini muzlatishni to‘xtatishga chaqirgan norozilik namoyishi chog‘ida o‘z qarindoshlarining suratlarini ushlab turishibdi.

Vatikandagi Avliyo Pyotr maydonidagi derazasidan ibodat qilayotgani ko‘rinib turgan Rim papasi Fransisk.

Rejissor Kventin Tarantino 76-Kann kinofestivalining yopilish marosimida.

Venetsiyaning Grand kanalida fosforli yashil dog‘lar paydo bo‘ldi.

Mamlakatni larzaga keltirgan ikki ommaviy otishmaga javoban “Serbiya zo‘ravonlikka qarshi” namoyishi chog‘ida qichqirayotgan ayol, Serbiya.

Aktrisa Fan Binbin 76-Kann kinofestivalining yopilish marosimida suratga tushmoqda.

Londondagi Chelsi gullar ko‘rgazmasining so‘nggi kunida mehmonlarga sotilgan gullar va o‘simliklar bilan ketayotgan odamlar.

Turkiyaning muxolifatdagi partiya rahbari Kamol Qilichdaro‘g‘li mamlakatning amaldagi prezidenti Rajab Toyyib Erdo‘g‘on saylovlarda g‘alaba qozonganini e’lon qilganidan so‘ng, siyosiy maydonda kurashni davom ettirish niyatida ekanini aytdi.

Hindistonning eng kuchli jangchilari Kurash federatsiyasi prezidentining iste’fosi va hibsga olinishini talab qilib, bir oydan ortiq vaqtdan beri namoyish o‘tkazmoqda. U yosh sportchilarga nisbatan jinsiy zo‘ravonlik qilganlikda ayblanmoqda.

Bayrutdagi Sursok muzeyi portdagi portlashlar tufayli rekonstruksiya qilinganidan uch yil o‘tib qayta ochildi.

Xitoyda COVID infeksiyasining yangi to'lqini iyun oyida o‘z cho'qqisiga chiqishi taxmin qilinmoqda.

Kosovo shimolida yangi saylangan merlar ish boshlaganidan keyin keskinlik avj oldi.