Mirzo Ulug‘bek nomidagi O‘zbekiston Milliy universitetining Jurnalistika fakulteti talabalariga yangi Konstitutsiyani yodlash topshirig‘i berilgani, bu ayrim talabalar noroziligiga sabab bo‘layotgani xabar berilgandi. Fakultet dekani o‘rinbosari Ravshan Omonov mazkur holat bo‘yicha “Daryo”ga izoh berdi.
“Aksariyat talabalarimiz o‘z vaqtida darsga kelmagani yoki berilgan topshiriqni o‘zlashtirolmagani uchun imtihondan o‘tolmay, ‘sessiyadan yiqilgan’. Biz ularga ko‘mak berish, imkoniyat yaratish maqsadida vaqt berib, ‘hech bo‘lmasa O‘zbekistonning yangilangan Konstitutsiyasini o‘rganib keling, shunga qarab sizni baholaymiz’, deganmiz. Bilasiz, imtihondan yiqilgan talabaga shunchaki baho qo‘yib qo‘yish noo‘rin. Imtihondan o‘tolmagan talabaga topshiriq berib, uni bajargach, baho qo‘ysak adolatli bo‘ladi”, — deydi Ravshan Omonov.
Dekan o‘rinbosarining qo‘shimcha qilishicha, talabalarga Konstitutsiyani yodlab olish majburiyati yuklatilmagan.
“So‘zma-so‘z yod oling degan majburiyat yo‘q. Tushunib, o‘rganishsin, ertaga hayotga tatbiq etsa olsin degan maqsadda o‘qib olishlarini so‘radik. Va olgan tushunchalari bo‘yicha topshirolmagan imtihoni uchun baholashimizni ham aytdik. Barcha harakatlarimiz talabalarga ko‘mak berish maqsadida”, — deydi u.
Izoh (1)
Nimaga xamma qilmishini isi chiqsa oppoq bolib qoladi,topshiriq berdingmi tan ol bolmasa nimaga ozing otkan mavzuni soramaysan, seni talabangmi sen o'zingni faningni sora kanstitutsiyani organish o'zini ishi u xam o'zbekiston fuqorosu sen kanstitutsiyadan dars berasanmi u fan boshqa o'zingni faningni so'ra