Samarqand viloyati Qo‘shrabot tumanida kondan oltin qazib olmoqchi bo‘lgan yigit tosh bosishi oqibatida halok bo‘lgani aytilmoqda. Bosh prokuratura holat yuzasidan “Daryo”ga ma’lumot berdi.
Mazkur tumanda yashovchi ayol ijtimoiy tarmoqlarda murojaat bilan chiqib, konga oltin qazish uchun ketgan o‘g‘li 2 oydan buyon bedarak yo‘qolganini aytgan. Uning so‘zlariga ko‘ra, o‘g‘lini tosh bosib qolgani haqida xabar berilgan. Biroq jasadi hamon topilmagan.
Bosh prokuratura holat rostdan ham sodir bo‘lganini ma’lum qildi. Hozirda Qo‘shrabot tuman prokuraturasi tomonidan tergovga kadar tekshirish harakatlari olib borilmoqda. Bedarak yo‘qolgan S.A.ni topish bo‘yicha barcha tezkor-qidiruv tadbirlari o‘tkazilmoqda.
Izoh (0)