Мирзо Улуғбек номидаги Ўзбекистон Миллий университетининг Журналистика факультети талабаларига янги Конституцияни ёдлаш топшириғи берилгани, бу айрим талабалар норозилигига сабаб бўлаётгани хабар берилганди. Факультет декани ўринбосари Равшан Омонов мазкур ҳолат бўйича “Дарё”га изоҳ берди.
“Аксарият талабаларимиз ўз вақтида дарсга келмагани ёки берилган топшириқни ўзлаштиролмагани учун имтиҳондан ўтолмай, ‘сессиядан йиқилган’. Биз уларга кўмак бериш, имконият яратиш мақсадида вақт бериб, ‘ҳеч бўлмаса Ўзбекистоннинг янгиланган Конституциясини ўрганиб келинг, шунга қараб сизни баҳолаймиз’, деганмиз. Биласиз, имтиҳондан йиқилган талабага шунчаки баҳо қўйиб қўйиш ноўрин. Имтиҳондан ўтолмаган талабага топшириқ бериб, уни бажаргач, баҳо қўйсак адолатли бўлади”, — дейди Равшан Омонов.
Декан ўринбосарининг қўшимча қилишича, талабаларга Конституцияни ёдлаб олиш мажбурияти юклатилмаган.
“Сўзма-сўз ёд олинг деган мажбурият йўқ. Тушуниб, ўрганишсин, эртага ҳаётга татбиқ этса олсин деган мақсадда ўқиб олишларини сўрадик. Ва олган тушунчалари бўйича топширолмаган имтиҳони учун баҳолашимизни ҳам айтдик. Барча ҳаракатларимиз талабаларга кўмак бериш мақсадида”, — дейди у.
Изоҳ (1)
Nimaga xamma qilmishini isi chiqsa oppoq bolib qoladi,topshiriq berdingmi tan ol bolmasa nimaga ozing otkan mavzuni soramaysan, seni talabangmi sen o'zingni faningni sora kanstitutsiyani organish o'zini ishi u xam o'zbekiston fuqorosu sen kanstitutsiyadan dars berasanmi u fan boshqa o'zingni faningni so'ra