Ukraina prezidenti Vladimir Zelenskiy Rossiya qo‘shinlari Ukraina hududida bo‘lsa, urushni diplomatik yo‘l bilan tugatish imkoniyati yo‘qligini aytdi.
Yaponiyada “Yettilik guruhi” (G7) sammiti doirasidagi muzokaralar chog‘ida prezident Rossiyaga diplomatik bosim o‘tkazish haqidagi eng muhim tezis bu muammoni hal qilishda BMT nizomi va xalqaro huquq normalarini hurmat qilish zarurati ekanini aytdi.
“Rossiya qo‘shinlari hududiy yaxlitligimiz, suverenitetimiz, qonunlarimizni buzgan holda bizning hududimizda bo‘lsa, hech qanday diplomatik yo‘ldan foydalanish imkoniyati yo‘q. Rossiya qo‘shinlari Ukraina hududida ekan, ular bilan hech qanday muzokara bo‘lmaydi”, — dedi Zelenskiy.
Shuningdek, u G7 yetakchilarining Ukraina tinchlik formulasini qo‘llab-quvvatlayotganidan va Rossiya tomonidan qo‘zg‘atilgan ko‘plab inqirozlarni hal qilishdan mamnun ekanini bildirdi.
Zelenskiy G7 va Ukraina sammitida nutq so‘zladi
Zelenskiy Ukraina ittifoqchi va hamkorlar bilan demokratiya, xalqaro huquq va erkinlik hisobga olinishini ta’minlaydigan hamkorlik darajasiga erishganini aytdi.
“Dunyoda biz qadrlaydigan narsalarni mensimaslik va e’tiborsiz qoldirishga urinishlar bo‘ldi. Lekin hozir buning iloji yo‘q. Endi bizning kuchimiz ortib bormoqda. Demokratik davlatga agressiya qilishni istagan har bir kishi javob qanday bo‘lishini ko‘rib turibdi. Siz bilan qanchalik ko‘p hamkorlik qilsak, dunyoda boshqa birovning Rossiyaning aqldan ozgan yo‘lidan borishi ehtimoli shunchalik kam bo‘ladi. Ammo bu yetarlimi?”, — dedi u.
Ukraina rahbari demokratiyaga ko‘proq narsa muhtojligini ta’kidladi.
“Bizga demokratiyaning aniq global yetakchiligi kerak, deb hisoblayman. Bu biz hamkorlikda taqdim etayotgan asosiy narsa”, — deya qo‘shimcha qildi Zelenskiy.
Izoh (0)