Hindistonda kelinning sepida konditsioner yo‘qligi sababli to‘y ommaviy mushtlashuv bilan yakunlandi. Bu haqda Odisha TV xabar berdi.
Voqea Uttar-Pradesh shtatida yuz bergan. Kelin va kuyov o‘zaro gulchambarlarini almashish uchun tantanali ravishda sahnaga chiqqan. Shu paytda yigit bo‘lajak xotinining ota-onasi ularga konditsioner berishga rozi bo‘lmaganini aniqlagan.
Shu sababli uning jahli chiqib, kelinni bor kuchi bilan turtib yuborgan, qiz esa sahnadan yiqilgan va hushini yo‘qotgan. Keyin yoshlarning oilalari o‘rtasida janjal kelib chiqqan. Oqibatda to‘yda bo‘lganlarning ko‘pchiligi jarohatlangan. Politsiya barchani tinchlantirgandan so‘ng, ikkala tomon ham to‘yni bekor qilishga qaror qilgan.
Izoh (0)