Xitoy, Qirg‘iziston va O‘zbekiston rasmiylari ishtirokida mamlakatlararo temiryo‘l qurilishi bo‘yicha uch tomonlama hujjat imzolandi. Bu haqda Transport vazirligi axborot xizmati xabar berdi.
Qayd etilishicha, Sian shahrida Xitoy Taraqqiyot va islohotlar qo‘mitasi, Qirg‘iziston Transport va kommunikatsiyalar vazirligi, O‘zbekiston Transport vazirligi o‘rtasida temiryo‘l qurilishi loyihasi bo‘yicha keyingi bosqichlarni nazarda tutuvchi hujjat imzolandi.
Tomonlar ushbu loyiha bo‘yicha Xitoy—Qirg‘iziston—O‘zbekiston temiryo‘li qurilishi loyihasining texnik-iqtisodiy asoslarini ishlab chiqish va texnik-iqtisodiy asoslarini uch tomonlama qo‘shma baholash ishlarini amalga oshirdi, keyinchalik esa ekspertiza o‘tkazilishi rejalashtirilgan.
Mazkur hujjat ushbu loyihani amalga oshirishning keyingi bosqichlarini belgilab, qurilish loyihasini ishlab chiqish, investitsiyalar va moliyalashtirish modelini o‘rganish va aniqlashni o‘z ichiga oladi. Dastlabki prognozlarga ko‘ra, yuk tashish hajmi yiliga 12-15 million tonnani tashkil etadi.
Izoh (0)