Toshkent shahar Olmazor tumanida rashk sabab inspektorni pichoqlab o‘ldirgan erkakka nisbatan hukm o‘qildi. Bu haqda “Millar”da xabar berildi.
Unga ko‘ra, holat 2022-yil noyabr oyida sodir bo‘lgan. Sudlanuvchi rashk sababli inspektorni o‘ldirgan. U pichoqni jabrlanuvchining son qismiga va ko‘krak sohasiga tiqib olgan. Sudlanuvchining shaʼriy nikohidagi ayol o‘sha kuni inspektorning mashinasida bo‘lgan. Ortidan esa eri kuzatib kelib, ushbu qotillikni sodir etgan. Ayol bu voqeada hech qanday aybi yo‘qligini aytmoqda.
Shuningdek, sudlanuvchi ham voqea haqida aytib berib, jabrdiyda ekanini taʼkidladi.
“Lacetti ayolimning mahallasiga kirib ketdi. Ayolim uydan chiqib, uning mashinasiga o‘tirdi va ketishdi. Men ortidan bordim. Mashinadan tush, dedim u bolaga. Bir-birimizni kurakda turmaydigan gaplar bilan haqoratladik. Ko‘tarib bo‘lmadi, qo‘limdagi pichog‘im bilan son qismiga bitta tiqdim. Baqir-chaqir bo‘ldi. Pichoqni olib ketdim. Internetda hozir menga nisbatan yolg‘on xabarlar bo‘lyapti. Ikkinchi pichoqni men urmadim. Qars ikki qo‘ldan chiqadi. U ko‘zini qisibdi, bu ipini uzibdi. Men bu yerda haqiqiy jabrdiydaman”, — deydi u.
Sud hukmi bilan u 14 yil olti oy ozodlikdan mahrum etildi.
Izoh (0)